Babək Rayon Mədəniyyət Sarayında Ümummilli Lider Heydər Əliyevin anadan olmasının 102-ci ildönümünə həsr olunmuş anım tədbiri keçirilmişdir.
Tədbirdə Babək Rayon İcra Hakimiyyətinin başçısı Ovni Muradov, rayonun idarə, müəssisə və təşkilat rəhbərləri, ictimaiyyət nümayəndələri və ziyalılar iştirak etmişlər.
Rayon rəhbəri Ovni Muradov çıxışında qeyd etmişdir ki, Heydər Əliyev Azərbaycanın dövlətçilik tarixində əvəzolunmaz yerə malikdir. Onun siyasi uzaqgörənliyi, xalqına olan sonsuz sevgisi və müdrikliyi nəticəsində müstəqil Azərbaycan dövlətinin möhkəm təməli qoyulmuşdur. Bu gün ölkəmizdə həyata keçirilən uğurlu inkişaf strategiyası məhz Ulu Öndərin müəyyən etdiyi yolun davamıdır.
Ovni Muradov vurğulamışdır ki, Prezident İlham Əliyevin rəhbərliyi ilə bu siyasi xətt uğurla davam etdirilir, Babək rayonu da bu inkişafdan payını alaraq mühüm sosial-iqtisadi göstəricilərə nail olmuşdur.
Tədbirdə Ulu Öndərin zəngin həyat və siyasi fəaliyyətini əks etdirən videoçarx nümayiş olunmuş, iştirakçılar onun dövlətə və xalqa xidmət yolunu bir daha xatırlamış, dərin ehtiramla yad etmişlər.
Bu cür tədbirlər Heydər Əliyev irsinin yaşadılmasına, xüsusən də gənc nəsillərin vətənpərvər ruhda tərbiyəsinə mühüm töhfə verir.
 |
 |
 |