Tədbirdə Rayon İcra Hakimiyyətinin başçısı Ovni Muradov, Babək rayon idarə, müəssisə və təşkilatların rəhbərləri, şəhidin ailə üzvləri və ictimaiyyət nümayəndələri iştirak edib.
Tədbir başlamazdan əvvəl müstəqilliyimiz və ərazi bütövlüyü uğrunda canlarından keçən şəhidlərimizin xatirəsi bir dəqiqəlik sükutla yad edilib, Dövlət Himni səsləndirilib.
Babək Rayon İcra Hakimiyyətinin başçısı Ovni Muradov tədbirdə çıxış edərək Vüqar Ağayevin hərbiçi kimi yüksək peşkarlığından, vətənə olan sonsuz sevgisindən, döyüşlərdə göstərdiyi şücaət və şərəfli döyüş yolundan bəhs edib.
Daha sonra şəhidin həyat yoldaşı Səbahət Ağayeva çıxış edərək Vüqar Ağayevlə bağlı xatirələrini bölüşüb, onun şərəfli ömür yoluna bir daha nəzər salıb.
Sonra Əlahiddə Ümumqoşun Ordunun zabiti Naib Cəfərov çıxış edərək 44 günlük Zəfər Tariximizdən danışıb, bu tarixdə Vüqar Ağayevin xidmətlərini tədbir iştirakçılarının diqqətinə çatdırıb.
Tədbirdə şəhidin qəhrəmanlığına həsr olunmuş şeirlər səsləndirilib, manılar ifa olunub. Sonda şəhidin həyat yolundan bəhs edən filmə baxış olub.
 |
 |
 |
 |