Vaşinqtonda keçirilən Sülh Şurasının (Board of Peace) ilk iclasında ABŞ Prezidenti Donald Trump çıxışı zamanı Azərbaycan Respublikasının Prezidenti İlham Əliyevin regional sabitlik və barışıq prosesində oynadığı rolu xüsusi vurğulayıb. Xarici mediada yayılan məlumatlara əsasən, Tramp İlham Əliyevin prinsipial və qətiyyətli siyasətinin Cənubi Qafqazda sülh gündəliyinin irəliləməsinə mühüm töhfə verdiyini qeyd edib.
ABŞ Prezidenti bildirib ki, Azərbaycan və Ermənistan arasında münasibətlərin normallaşması istiqamətində əldə olunan nəticələr güclü siyasi iradənin göstəricisidir. Tramp Prezident İlham Əliyevin sülhə sadiqliyini və konstruktiv mövqeyini yüksək qiymətləndirərək, bu prosesin beynəlxalq ictimaiyyət tərəfindən də müsbət qarşılandığını vurğulayıb. Onun sözlərinə görə, regionda davamlı sabitliyin təmin olunması üçün Azərbaycanın rolu strateji əhəmiyyət daşıyır.
İclas zamanı Qəzzanın bərpası, humanitar təşəbbüslər və beynəlxalq təhlükəsizlik mexanizmləri müzakirə edilsə də, çıxışda İlham Əliyevin rəhbərliyi ilə Azərbaycanın beynəlxalq sülh təşəbbüslərində fəal iştirakı ayrıca qeyd olunub. Tramp vurğulayıb ki, mürəkkəb geosiyasi şəraitdə əldə edilən hər bir irəliləyiş güclü liderlik və məsuliyyətli siyasətin nəticəsidir və bu baxımdan Prezident Əliyevin fəaliyyəti diqqətəlayiqdir.
 |
 |
 |