Bu gün Babək rayonunda şəhid ailələri ilə görüş keçirilib. Görüş iştirakçılarını salamlayan Babək Rayon İcra Hakimiyyətinin başçısı Ovni Muradov bildirib ki, Azərbaycanın ərazi bütövlüyü uğrunda canından keçmiş şəhidlərin ailələrinə, o cümlədən müharibə əlillərinə dövlət tərəfindən böyük diqqət və qayğı göstərilir.
Ovni Muradov çıxışında həmçinin Prezident İlham Əliyevin, Azərbaycan Ordusunun və dövlətimizin şəhid ailələrinə göstərdiyi qayğıdan danışıb və vurğulayıb ki, vətən uğrunda canını qurban vermiş oğullarımızın xatirəsi daim diqqət mərkəzindədir.
Çıxış edən şəhid ailələrinin üzvləri Müzəffər Ali Baş Komandan İlham Əliyev və Birinci vitse-prezident Mehriban Əliyevanın onlara göstərdikləri xüsusi diqqət və qayğıya görə minnətdarlıqlarını bildiriblər.
Görüş zamanı ailələr həmçinin öz təklif və istəklərini səsləndirərək mövcud məsələlərlə bağlı fikir mübadiləsi aparıblar. Təkliflərin həlli istiqamətində müvafiq addımlar atılması qərara alınıb. Bu görüş, Babək rayonunda şəhid ailələrinə göstərilən diqqət və hörmətin əyani təsdiqidir.
 |
 |